الاحد ٥ اغسطس ٢٠١٢..سيناء علي المغرب

 ahmedsaeed ‏@ahmed__saeed

 ياجماعه ,,, فيه سيناريو جه فى بالى وهو مجرد تخمين مش أكتر

الاخوان حكموا مصر ليه ؟ سيبك من فيلم الانتخابات لان كلنا عارفين ديتها , وسيبك من فيلم غضب الشارع لو شفيق مسك ..

لو كان مسك ولا كان هيحصل حاجه غير شويه مظاهرات .. ولو الاخوان فكروا يتحركوا ساعتها كانوا هيتنفخوا

 الاخوان مسكوا لسبب واحد اعتقد انه واضح للكل ( غير توريطهم وحرقهم طبعا ) الا وهو ان ادارة اوباما وتحديدا هيلارى كلينتون عايزاهم يمسكوا .

ودة السبب الوحيد اللى ساند ضهرهم حتى الان , ومن غيرة كان مستحيل تقوم لهم سلطه فى مصر

طب امريكا عايزاهم يمسكوا السلطه ليه ؟ غير موضوع امتصاص الشارع ؟ وغير قصه ايران ؟

 اول مهمه كلفت بيها امريكا الاخ مرسى وشلته انهم ينزعوا سلاح حماس ويخلوها حركه مستأنسه زى فتح 

ودة اساسا لتجنب اى قلق منهم لو قامت الحرب مع ايران , ولقطع ذراع ايران فى المنطقه والمتمثله فى حماس وحزب الله

 يعنى حماس هتقلب حزب الله وايران مقابل انها تترمى فى حضن اخوان مصر اللى هينزعوا سلاحها

 مقابل ضمان دخولهم فى الصورة السياسيه وتقبل اسرائيل وامريكا لهم بضمانه ووساطه مصريه .. ودى معلومه مؤكدة مش تخمين

 يعنى الشويتين اللى عملهم مرسى بتوع هنيه دول كانوا محلسه مش اكتر ..هندلعكوا ونهننكوا بس بلاش تزعلوا ماما امريكا وطنط اسرائيل

والخطوة الجايه كانت متمثله فى ان حماس تنفض لايران وحزب الله وتترمى فى حضن المعسكر الغربى , علشان اسرائيل تامن ضهرها لو قامت حرب 

مرسى حكم مصر علشان ينفذ مخططات امريكا , ولو كان نجح فى نزع سلاح حماس كانت ادارة اوباما هتصور الموقف على انه نصر عظيم لها

وهتبقى ضربه معلم للادارة الامريكيه ... خصوصا انهم داخلين على انتخابات ..

وساعتها كل اللى فاشخين هيلارى دلوقتى على علاقتها بالاخوان فى الكونجرس هيتكتموا .. واسهم ادارة اوباما والحزب الديموقراطى هتطلع السما

ومرسى مش اهبل علشان يسلح حماس ويزعل امريكا منه .. امريكا القوة الوحيدة اللى سانداة حاليا

طيب .. طبعا انتوا عارفين ان حماس مش لوحدها فى القطاع .. وفيه تنظيمات كتير موجودة معاها , منها تنظيمات اكثر تطرفا من حماس 

 بس حماس هى الكبيرة و هى اللى بتحكم القطاع ..

طيب , لو حماس نفذت السيناريو دة مش هيكون قدام الجماعات دى غير مصير واحد , الا وهو النفخ .. لانهم اصبح غير مرغوب فيهم ..

غير انهم مش موافقين عالسيناريو دة اصلا ومن مصلحتهم بقاء الحال كما هو عليه علشان البيئه الخصبه بتاعتهم تفضل موجودة .

فيكون الحل ان تنظيم وسخ زى تنظيم الجهاد دة ينفذ حوار زى اللى حصل النهاردة ( بدعم عناصر من سينا طبعا ) كوسيله لمنع تنفيذ السيناريو دة

وقطع للطريق بين حماس ومرسى ... طبعا بديهى اول حاجه ان المعبر يتقفل بالضبه والمفتاح 

 ومرسى مش هيقدر يقابل هنيه تانى ولا يستضيفه , لانه لو عملها شعبه هينفخه ... وبالتالى هيفضل الوضع كما هو عليه ..

واذا كان عالسلاح فمعروف انهم مش محتاجين المعبر علشان يدخلوا منه سلاح .. السلاح بيدخلهم من سكك تانيه كتير

وانتوا عارفين ان اصلا مرسى عمرة ما كان هيجروء يفتح المعبر عالبحرى الا لما ياخد الموافقه من امريكا الاول والرضا السامى من اسرائيل

يعنى التفجير اللى حصل دة اصلا مش فى مصلحه مرسى ولا فى مصلحه حماس , ولا حتى فى مصلحه اسرائيل ..

المستفيد الوحيد منه هى التنظيمات الصغيرة فى غزة وسينا , واللى فطنوا للخطه اللى ذكرتها وحبوا يحبطوها بصنعه لطافه

 ولو عالمطاردات الامنيه , مش هتهمهم فى حاجه ... انتوا عارفين الامن بتاعنا شاطر قوى ... خليه يجرى يدور عليهم فى سينا بقا

31- يعنى اداره اوباما خااااسرة.. لان السلخ عليها هيشتد اكتر لانها هى اللى مهدت للاسلاميين فى مصر .. كدة يضمنوا ان الانتخابات طارت منهم مقدما

واسرائيل خسرانه .. لانها كدة خسرت سيناريو كان هيريح بالها من خطرين .. خطر غربها وخطر شمالها

والاخوان طبعا خاسرانين لانهم اتنفخوا بنفخه ادارة اوباما والشارع المصرى غضب عليهم اكتر

 والمجلس العسكرى مينفعش يكون له يد فى الموضوع دة ... لانه لو كان له يد ... فادارة اوباما هتقطعهاله ... والمجلس عارف كدة كويس

المستفيدين الوحيدين هم التنظيمات المتطرفه فى سيناء وغزة ( بخلاف حماس ) .... وضف عليهم حزب الله وايران ...

المجلس العسكرى عندة رضا الادارة الامريكيه عنه اهم من سخط الشارع على الاخوان .. العسكرى مش هيشترى سخط الشارع على الاخوان بغضب امريكا عليه

ممكن تكون المخابرات عندنا شمت خبر عن الموضوع دة وصهينت علشان مرسى يلبس .. بس اكيد هى ملهاش يد فيه

تحذير اسرائيل للسياح من كام يوم لا يعنى بالضرورة علمهم المسبق ... اتساع سيطرة الجهاديين فى سينا من فترة كانت واضحه جدا ومش محتاجه فقاقه

وكان طبيعى ان اسرائيل تحذر رعاياها .. ولو كان التحذير بسبب علمها بالتفجير مكانتش اتكلمت .

لان مافيش تواجد لسياح اسرائيليين اصلا على الشريط الحدودى بين مصر وغزة

يعنى اسرائيل هتدبر تفجير فى رفح .. تروح تفضح نفسها قبلها بيومين وتقول لمواطنيها اللى فى دهب ونويبع وطابا وشرم ارجعوا بسرعه

ملاحظ ان فيه ناس كل همها تلبس الليله لاسرائيل وخلاص... صعبان عليك ان الاسلاميين وحشين ؟ معلش ياضنايا .. تعيش وتاخد غيرها , بس هى دى الحقيقه

محدش يقارن بين اللى حصل النهاردة بين اللى كان بيحصل قبل كدة , تفرق عسكرى ينضرب رصاصه على نقطه مراقبه عالحدود ,

ومعسكر ينضرب بالصواريخ والبازوكا واللى فيد يتدبحوا بالسلاح الابيض ويتخرتقوا رصاص ويتاخد منه مدرعتين

مين فاكر فى حرب غزة 2009 لما كانت الاشتباكات بتتوقف بينما تنظيم الجهاد بيصر يضرب شمال اسرائيل بالصواريخ البلاستيك بتاعته دى

.. وكانت حماس بتتنفخ بسببه وتضطر توقفهم بالقوة ؟ حصلت كذا مرة ....