١٣اغسطس ٢٠١٢

@Fouda_

 بقولك إيه؟! أنا مش هقعد مش فاهم الصورة كدة كتير! وهو مابيقولش حاجة أصلا، فهمني فهم؛ قطر - أمريكا - إخوان/مصر...كله بالحب؟

عمو تامر... >.<

Tamer Mowafy ‏@kalimakhus

 كله بالحب يا فودة .. مفيش حاجة بتمشى عافية :)

@Fouda_

 يعني إتسلمنا تسليم جواري، صح؟ :)

Tamer Mowafy ‏@kalimakhus

 ده لو إخترنا نلبس طرح .. الدنيا حر لسة ومحدش هيلبس بسهولة .. ما تستعجلش خالص :)

Amr Gharbeia ‏@gharbeia

أنا مستني حد يرفع قضية في محكمة القضاء الإداري علشان يلغي القرار الإيجابي بإحالة طنطاوي و عنان للتقاعد. #مسخرة

ياه. أخيرا الواحد هينضرب من الإخوان مباشرة.

ياه. أخيرا انتهت مرحلة "أحيانا مع الإسلاميين دائما ضد الدولة". و اختلاف اليسار حولها. لما نشوف مين هيبقى ضد الدولة دا الوقت.

بعد فقرة أنا جدع، مرسي ظهر. أول تحذير ضد حركة العدالة الإجتماعية: "قطع الطريق جريمة"، "تعطيل الإنتاج"، "على الشعب واجبات: أن يعمل، أن يجد".

قال شيلوا الفقراء (علشان هو مش هيشيلهم)، و بعدين دخل في الدعاء.

العلمانيين في مصر عندهم فرصة ذهبية دا الوقت. الإسلاميين في كامل السلطة؛ الخدمات الأساسية منهارة. ال عاوز يكبر يركز على العدالة الاجتماعية.

تعطيل الطريق و باقي سبل العصيان المدني هي طريقة الناس في الضغط على السلطة. ال شايف أن السلطة بتتحرك من غير ضغط يبقى هو الأهبل

أنا بافرح لما ألاقي نفسي متعطل علشان غيري ياخد حقه. لأن لما غيري ياخد حقه أنا كمان باخد حقي. دي بداية التضامن.

Ⓐ MaSrY انا جامد فشخ ‏@ArabAnonymous

التلات قيادات في المجلس العسكري اللي إتحالوا للمعاش مسكوا "قناة السويس" و " مصانع الإنتاج الحربي " و " وزارة الإنتاج الحربي"

 ahmedsaeed ‏@ahmed__saeed

لو انت مطرح امريكا , تسيب مرسي يغدر بطنطاوي وتعرض الوضع السياسي اللي انت بتظبطه لاخطار اضطراب وانقلاب عسكري محتمل ؟

ولا تجيب الاتنين وتظبط اتفاق مابينهم يتراضوا فيه ويخلصوا الموضوع ودي من غير قلق؟ , وكده كده محدش فيهم يقدر يكسر كلام الامريكان

واسالوا نفسكوا المندوبين الامريكان اللي كانوا لسه هنا كانوا بيعملوا ايه ؟

يبقا بقي السؤال : طالما الموضوع بالاتفاق , ليه جه في شكل اقاله ؟ مع انه المفروض كان يستقيل , طالما متفقين مع بعض .... اقولك ليه 

لان الاقاله فيها مصلحه للطرفين , مصلحه لمرسي لانها بتظهره بمظهر القائد والبطل المغوار وبترفع شعبيته في الشارع وبتوطد سلطته اكتر ..

وهيتشفي في بند الاقاله وهيكتفي بكده , ولكم في بدين خير مثال , خبر اقالته امتص غضب الناس مع انه اكتر واحد فشخ الثوار

وفي نفس الوقت خبر الاقاله هيتوافق مع السيناريو الفاكسان اللي 6 ابريل الاخوانيه بتنشره , انهم اقيلوا لانهم دبروا انقلاب عسكري يوم 24

يبقا معني كده ان اللي نازلين يوم 24 خونه ومتامرين , وعايزين يرجعوا حكم العسكر تاني , وبكده الشارع هيقف ضدهم ويتم احباط اليوم , وهو المطلوب

تخيلوا بقا لو كان الموضوع خرج في شكل استقاله , كان مرسي هيظهر بمظهر المتامر والشريك للعسكري منذ البدايه وده هيكره الناس فيه

وفي نفس الوقت هيخلي الشارع يغلي ضد وزير الدفاع اللي فشخ البلد وفي الاخر تقاعد بمزاجه علشان ينعم بثروته في هدوء , وتتعالي الاصوات بالثار

دا غير ان القطاع المتعاطف مع طنطاوي من الشعب هينقلب لكره عنيف ضده , لانه باعهم وسلمهم للاخوان

من الاخر , لو كانوا استقالوا كانت الصوره هتبان قوي انها خروج امن وريحته فايحه , وده كان هيقلب الجميع ضد مرسي والمجلس

بالاضافه لان سيناريو الاقاله مفيد , علشان سته ابريل تدمج فيه افتكاسه متامرين ٢٤ اللي نازلين يخربوا البلد ويرجعوا حكم العسكر

طبعا انتوا عارفين ان حركه ٦ ابريل مخترقه من الاخوان من زمان , وان قياداتها معروف عنهم تعريصهم الشديد لمكتب الارشاد

طبعا مفهوم دلوقتي هما بيروجوا للقصه الحمضانه دي ليه ...

انتوا عايشين دلوقتي نفس اجواء 11 فبراير , سكرانين بانتصار وهمي , واخدين جرعه مخدر كبيره , هتفوقوا منها علي خازوق محترم قريب ...

احتفلوا بقا بالانتصار الوهمي , بس وانتوا بتحتفلوا افتكروا الحقائق دي : مدير المخابرات الحربيه اللي كان له ضلع كبير في فشكم اترقي وزير دفاع

قائد المظلات اللي فشختكم في اعتصامات التحرير ومجلس الوزرا اترقي قائد حرس جمهوري

كلاب المجلس حصلوا علي خروج امن بعد ما احبطوا ثورتكم وفشخوكم سنه ونص وقتلوا منكم المئات وسجنوا الالاف

 الاخوان بيتمتعوا بسلطه مطلقه مكانتش في ايد مبارك نفسه , وهتشوفوا معاهم ايام سودا .... احتفلوا واستمتعوا

 علشان محدش دماغه تروح لبعيد , انا ليا ثأر شخصي مع نص اعضاء المجلس تقريبا , وانا اكتر واحد هيفرح بفشخهم في مصر

بس مش معني كده اني اتهاطل واهلل للاخوان , لاني عارف كويس انهم اوسخ من العسكر بكتير