Zakovich @AhmedZaky
لما تاجر تبغ من بلدة "قولة" يدبح المماليك في عزومة عشاء، يبقى "استبن" من "المحظورة" قادر على إنه يطيح بالفيلد مارشال "قائد الجيوش" بمرسوم..!
فكرة الدولة في مصر لاتزال فكرة هشة. مفيش دولة بالمفهوم المؤسساتي زي الغرب أو دولة عميقة زي تركيا. مجرد جماعات مصالح انتهازية بتنفخ في فرعون.
@NohaAKamalOrief
إنتا مفكرها دولة .. دي سمك لبن تمر هندي يا أستاذ
خد عندك حل الحكومة العبقري لأزمة الكهرباء .. وفّروا .. دا حل تنظيمي موش حل مركزي يا أخينا
في النظام المركزي من المفترض أن فيه جهة مركزية بتحسب الانتاج و الاستهلاك بحيث المستهلك ما يقلبش دماغه بكل ده
بمعنى أنا أستهلك و بس .. طالما في النهاية بادفع تمن اللي باستهلكه .. قل أو كثر
و في النظام المركزي محدش عنده خلفية الانتاج قد إيه و لا الاستهلاك قد إيه .. دا شغل المرجع المركزي
بينما في التنظيم اللامركزي .. أبسط حاجة أن الناس بتكون عارفة حجم الانتاج قد إيه و بالتالي نصيب كل فرد قد إيه .. فما يتعداهوش
لأنه لو اتعداه .. يبقى ببساطة بيتعدى على حق غيره ..
لما الحكومة تطلب من الناس أنها تنظم نفسها ذاتي من غير ما تديهم معلومات عن كمية الانتاج .. دا حضرتك يبقى اسمه فوضى .. سمك لبن تمر هندي
انقسم التايم لاين إلى نظريتين .. النظرية الأولى : أحداث سيناء عشان تخلي الوحدات الموالية لطنطاوي بعيده عنه و محدش يسانده ضد الانقلاب ..
أصحاب النظرية دي بيتجاهلوا أن طنطاوي ما اتقبضش عليه .. و أن القوات اللي راحت سيناء عددها صغير إلا لو كان قصدهم أن طنطاوي مؤيد بدبابتين
النظرية التانية : نظرية الخروج الآمن .. و أن فيه اتفاق بين العسكر و الاخوان على (طلعني منها سليم و أنا سايبهالك مقشرة)
الخروج الآمن الوحيد اللي أعرفه تاريخيا هو اللي عمله صولا السعيد .. قتل كل أعداءه و بعدها طلع معاش .. غير كده كانوا بيهربوا على سويسرا
النظريتين مالهومش غير معنى واحد .. النظام مسيطر على دماغتكم ..
فيه حل تاني أسهل .. طلع المؤامرة من دماغك .. ح تلاقي كل اللي اتحالوا للمعاش كبار في السن .. ناس عاوزة تدفي رجليها موش تحكم بلد
القصة أبسط بكتير من كل الهري اللي حصل .. طقم جديد متسق مع نفسه بيحل محل الطقم القديم اللي موش عاوز يعمل مشاكل .. بسيطة جدا
No comments:
Post a Comment